گلین میکسویل نے بگ بیش میں نیا ریکارڈ قائم کردیا

تفصیلات کے مطابق  گزشتہ روز کھیلے گئے میچ میں گلین میکسویل نے لیگ کی سب سے بڑی انفرادی اننگز کھیلنے کا اعزاز حاصل کرلیا ۔  

میلبورن  اسٹارز کے کپتان گلین میکسویل نے ہوبارٹ ہیریکنز کے خلاف 64 گیندوں پر 154 رنز کی شاندار اننگز کھیلی تھی، ان کی اننگز میں 22 چوکے اور 4 چھکے شامل تھے۔

گلین میکسویل نے بگ بیش کی سب سے بڑی انفرادی اننگز کھیل کر اپنی ہی  ٹیم کے کھلاڑی مارکس اسٹوئنس کا ریکارڈ توڑ ا ہے ، جنہوں نے 147 رنز بنائے تھے۔

Maxi's night at the @MCG ?

Glenn Maxwell 154* (64) ? #TeamGreen pic.twitter.com/JEbqozJeTq

— Melbourne Stars (@StarsBBL) January 19, 2022

گزشتہ روز کھیلے گئے میچ میں میلبرن اسٹارز نے مقررہ 20 اوورز میں 2 وکٹوں کے نقصان پر 273 رنز بنائے تھے جو بگ بیش میں کسی بھی ٹیم کا سب سے بڑا مجموعی اسکور ہے۔

واضح رہے کہ میلبرن اسٹارز کی ٹیم ہوبارٹ ہیریکنز کو 106 رنز سے شکست دینے کے باجود بھی پلے آف کے لیے کوالیفائی نہیں کرسکی۔