ایشیا کپ:پاک بھارت میچ کی ٹکٹیں چند گھنٹوں میں فروخت

ایشیا کپ ٹی ٹوئنٹی ٹورنامنٹ میں کرکٹ شائقین کو پاکستان اور بھارت کے میچ کا بے تابی سے انتظار ہے۔ پاک بھارت میچ کی ٹکٹیں چند گھنٹوں میں فروخت ہو گئیں۔

آرگنائزرز کے مطابق پاکستان بھارت کے میچ کی ٹکٹس کا پہلا بیچ جاری ہوتے ہی فروخت ہو گیا۔ دوسرے بیج کی ٹکٹیں جلد جاری کر دی جائیں گی۔

ایشیا کپ ٹی ٹوئنٹی میں پاک بھارت ٹاکرا 28 اگست کو دبئی میں ہو گا۔ ایشیا کپ 27 اگست سے 11 ستمبر تک یو اے ای میں شیڈول ہے۔