فیس بک مونیٹائزیشن : وزیر خارجہ نے پاکستانیوں کو خوشخبری سنادی

تفصیلات کے مطابق وزیرخارجہ بلاول بھٹو زرداری  نے سنگاپور میں فیس بک کے ہیڈکوارٹرز میٹا کا دورہ کیا ۔  

وزیر خارجہ بلاول بھٹو زرداری نے  سوشل میڈیا پر پیغام جاری کرتے ہوئے کہا کہ اس نئے فیچر سے اب پاکستان میں لوگ اپنا فیس بک کا مواد مونیٹائز کرسکتے ہیں۔

وزیر خارجہ نے ٹوئٹر پر لکھا کہ جتنے زیادہ اسٹارز لوگوں کو ملیں گے وہ اتنے ہی زیادہ پیسے کما سکیں گے۔

بلاول بھٹو نے پیغام میں امید ظاہر کی کہ خاص طور پر پاکستان کے نوجوان اپنے سوشل میڈیا کو زیادہ نتیجہ خیز بنانے کے لیے استعمال کریں گے۔

انہوں  نے ویڈیو پیغام کے ذریعے میٹا میں پاکستان میں مونیٹائزیشن کے اجرا کے لیے اسٹارز پروگرام سے متعلق بھی آگاہ کیا۔

With this new feature now live in ?? creators can monetize their Facebook content. The more stars they get the more money they will earn. Hoping the youth of Pakistan in particular will get more productive use out of their social media. https://t.co/RzewgYv8yQ https://t.co/UX20W0MmQH pic.twitter.com/7KmrJt5UWe

— BilawalBhuttoZardari (@BBhuttoZardari) December 10, 2022

واضح رہے کہ وزیر خارجہ نے 8 اور 9 دسمبر کو سنگاپور کا دورہ کیا تھا، جہاں انہوں نے صدر یعقوب، وزیرخارجہ بالا کرشنن اور دیگر سے ملاقات کی تھی ۔

ترجمان دفتر خارجہ کے مطابق وزیر خارجہ نے سنگاپور میں فیس بک کے ہیڈ کوارٹرز میٹا کا دورہ بھی کیا۔

ترجمان کے مطابق وزیر خارجہ نے میٹا میں پاکستان میں مونوٹائزیشن کے اجرا کے لیے اسٹارز پروگرام لانچ کی۔