کوئٹہ، سیلاب سے متاثر ہونے والے ریلوے پل کا تعمیراتی کام مکمل

کوئٹہ: گزشتہ سال سیلاب سے متاثر ہونے والے ہرک ریلوے پل کا تعمیراتی کام مکمل کر لیا گیا۔

ریلوے حکام کے مطابق تعمیراتی کام مکمل ہونے کے بعد ریلوے پل سے آزمائشی ٹرین کو گزارا گیا، ٹرین سروس کا آغاز 15 اپریل سے کیا جائے گا۔

الحمد للہ! ہرک برج مکمل
آپ کے محفوظ سفر کو یقینی بنانے کیلیے پل کا تفصیلی ٹیسٹ / ٹرائل جاری pic.twitter.com/0hZM9OS5Wv

— Pakistan Railways (@PakrailPK) April 12, 2023

واضح رہے کہ بولان کے علاقے میں ہرک ریلوے پل گزشتہ سال سیلاب کے باعث شدید متاثر ہوا تھا جس کے بعد کوئٹہ کا ملک کے دیگر شہروں سے رابطہ منقطع ہوگیا تھا۔

پل متاثر ہونے کے باعث کوئٹہ سے اندرون ملک ٹرین سروس معطل رہی جبکہ ریلوے کی جانب سے ٹرین سروس مچھ سے چلائی جاتی رہی۔