کرسٹیانو رونالڈو سعودی فٹ بال کلب چھوڑنے کی خبریں زیر گردش

کرسٹیانو رونالڈو سعودی فٹ بال کلب النصر چھوڑنے کی خبریں زیر گردش ہیں میڈیا رپورٹس کے مطابق رونالڈو نے سعودی کلب کو چھوڑ کر دوبارہ اپنے پرانے کلب رئیل میڈرڈ کو جوائن کرنے کے لیے کوششیں شروع کر دی ہیں۔

رونالڈو کی جانب سے سعودی کلب کو چھوڑنے کی ایک وجہ سعودی خطے کے ماحول میں نہ ڈھلنا بھی ہے جبکہ مقامی سطح پر بولی جانے والی زبان بھی اسٹار فٹبالر کے لیے مشکلات کا باعث بن رہی ہے۔

ایک غیر ملکی ویب سائٹ کے مطابق رئیل میڈرڈ کے صدر فلورینٹو پیریز نے کرسٹیانو رونالڈو کو کلب کے سفیر کی پیشکش کی ہے اور انہیں یقین دہانی کرائی ہے کہ وہ ان کے کام میں مداخلت نہیں کریں گے۔

سعودی کلب النصر کے فٹبالر کو اسپینش کلب کو جوائن کرنے کے لیے واپسی کے ٹکٹ کی پیشکش کر دی گئی ہے تاہم ان کا رول کھلاڑی کے طور پر نہیں بلکہ سفیر یا پھر اسپورٹس آرگنائزیشن چارٹ کے رکن کے طور پر ہو گا۔

یاد رہے کہ رونالڈو اور سعودی کلب کے درمیان ڈھائی سالہ معاہدہ طے پایا تھا جس کے تحت النصر کلب نے انہیں 21 کروڑ 30 لاکھ ڈالرز معاوضہ ادا کرنا ہے۔