لیونل میسی کو دو ہفتوں کے لئے معطل کر دیا گیا

سعودی عرب میں فیملی کے ہمراہ چھٹیاں منانے والےاسٹارفٹ بالر کو اس غیرمجازدورے پردو ہفتوں کے لیے معطل کر دیا گیاہے۔

رپورٹ کے مطابق  پیرس سینٹ جرمین کلب کی جانب سے معطل کیے جانے والے میسی اس دوران 2 میچ نہیں کھیل سکیں گے۔ میسی معطلی کے دوران نہ تو ٹریننگ کرسکیں گے اور نہ ہی اس دوران انہیں کسی قسم کے معاوضے کی ادائیگی کی جائے گی۔

میسی کو ہوم گراؤنڈ پر لورینٹ کے خلاف 3-1 سے شکست کے بعد ٹیم کے ساتھ پریکٹس کرنی تھی لیکن وہ سعودی عرب روانہ ہوگئے جس کے بعد ان کی معطلی کا فیصلہ سامنے آیا ہے۔ میسی21 مئی کو Auxerre کے خلاف میچ میں ٹیم میں واپس آ سکتے ہیں۔اس معطی پر میسی کی جانب سے کوئی ردعمل ظاہرنہیں کیا گیا ہے۔

میسی نے گزشتہ سال سعودی حکام کے ساتھ 25 ملین پاؤنڈ کے معاہدے پر دستخط کیے تھے تاکہ وہ سعودی عرب کے سیاحتی سفیر بن سکیں۔میسی اپنے معاہدے کے تحت سعودی عرب کا دورہ کرنے کے لیے پیرس سینٹ جرمین کے تربیتی کیمپ میں شریک نہیں ہوئے تھے۔