سینئر اداکارہ مرینہ خان بھی کورونا وائرس کاشکار ہوگئیں

تفصیلات کے مطابق ڈرامہ سیریل "تنہائیاں ،دھوپ کنارے، نجات   سمیت کئی بہترین  یادگار ڈراموں سے   شہرت پانے والی مایہ ناز  اداکارہ مرینہ خان نے اپنے تصدیق شدہ انسٹاگرام اکاؤنٹ پر اپنے  پرستاروں  اور دوستوں کے لیے خصوصی ویڈیو پیغام شئیر  کیا۔

سینئر اداکارہ نے اپنے ویڈیو پیغام میں بتایا کہ  وہ کورونا وائرس کا شکار ہوگئی ہیں اور اب  وہ 14 دن تک اپنے کمرے میں اکیلی ہی رہیں گی ۔ ان کاکہنا تھا  کہ ’میں نے خود کو بہت بچایا لیکن بدقسمتی سے میرا کورونا ٹیسٹ مثبت آگیا۔ انہوں نے کورونا علامات کے بارے میں بتاتے ہوئے کہا کہ ’مجھے کبھی بخار چڑھتا اور کبھی اُترتا  ہے جبکہ سر کا درد اب پہلے سے کم ہوگیا ہے۔میں پہلے کورونا وائرس کو اتنا سنجیدہ نہیں لیتی تھی لیکن میں جب سے وائرس کی شکار ہوئی ہوں تب سے خوفزدہ ہوگئی ہوں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Marina Khan (@therealmarinakhan)

اُنہوں نے مزید کہا کہ عید آنے والی ہے  اور ہمیں محتاط رہنا چاہئے۔ لوگوں کی باتوں میں نہ آئیں ،  یہ   جلد دور ہوجائے گا ۔ انہوں نے بھارت کی  صورتحال کی مثال دیتے ہوئے لوگوں  سے اپیل کی کہ  ہمیں اپنے پڑوسی ملک  سے سبق سیکھنا چاہئیے ۔ا نہوں نے لوگوں پر زور دیا کہ  وہ اپنا  اور اپنے پیاروں  کا خیال  رکھیں اور  کورونا وائرس کو سنجیدہ لیتے ہوئے احتیاطی تدابیر اختیار کریں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Marina Khan (@therealmarinakhan)

 یاد رہے کہ   اس سے قبل کئی معروف  اداکار جن میں  بہروز سبزواری،  سنبل شاہد ، علی سفینہ ،  نیلم منیر ،  یاسر نواز اور ند ایاسر ، روبینہ اشرف ، سکینہ سموں، علیزے شاہ، نعمان سمیع، نوید رضا، واسع چوہدری سمیت  دیگر کورونا میں مبتلا ہوچکےہیں ۔