بنگلہ دیش ، ٹرین میں آتشزدگی سے 4افراد ہلاک

ڈھاکہ: بنگلہ دیش میں ڈھاکہ کے علاقے گوپی باغ میں ایک مسافر ٹرین میں آگ لگنے سے 4افراد ہلاک ہوگئےہیں۔

چینی خبررساں ادارے کے مطابق ڈھاکہ میٹروپولیٹن پولیس کے ڈپٹی کمشنر اقبال حسین نے میڈیا کوبتایا کہ کچھ نامعلوم شرپسندوں نے مقامی وقت کے مطابق رات رات 9 بج کر 5 منٹ پر بیناپول ایکسپریس مسافر ٹرین کو آگ لگا دی جس پر رات 10 بج کر 20 منٹ پر آگ پر قابو پالیا گیا تاہم اس دوران 4افراد کی نعشیں ملی ہیں جن کی شناخت فوری طور پر نہیں ہو سکی ہے۔

انہوں نے مزید بتایا کہ نعشوں کو ہسپتال منتقل کردیا گیا ہے اور مقامی پولیس ریلوے حکام کے ساتھ مل کر واقعے کی تحقیقات کر رہی ہے۔