اسرائیل کی اقوام متحدہ کے سینٹر پر بمباری،9فلسطینی شہید 75زخمی

اسرائیل نے غزہ کے شہر خان یونس کے مغرب میں اقوام متحدہ کے سینٹر پر بمباری کی جس سے9 فلسطینی شہید اور 75 زخمی ہو گئے۔

فرانسیسی خبر رساں ادارےاے ایف پی کے مطابق غزہ میں اقوام متحدہ کی ریلیف اینڈ ورکس ایجنسی برائے فلسطینی پناہ گزین(یو این آر ڈبلیو اے)کے سربراہ تھامس وائٹ نے کہا ہے کہ اسرائیلی فوج نے گزشتہ روزاقوام متحدہ کے ایک شیلٹر پر بمباری کی جہاں بے گھر فلسطینیوں نے پناہ لی ہوئی تھی ،بمباری سے 9فلسطینی شہید اور 75 زخمی ہوئے ہیں ۔

یو این آر ڈبلیو اے کے سربراہ فیلپ لازارینی نے کہا ہے کہ اموات کی تعداد میں اضافہ ہوسکتا ہے۔

اردو نیوز کے مطابق اقوام متحدہ کی ایجنسی (یو این آر ڈبلیو اے) کے کمشنر جنرل نے کہا کہ خان یونس میں ایجنسی کی پناہ گاہ کو نشانہ بنانے والے حملے میں جنگ کے اصولوں کی ’’سنگین خلاف ورزی‘‘ کی گئی ہے۔