وزیراعلیٰ پنجاب مریم نواز سے عون چوہدری کی ملاقات

وزیراعلیٰ پنجاب مریم نواز سے استحکام پاکستان پارٹی کے رہنما عون چوہدری نے ملاقات کی۔

ذرائع کے مطابق ملاقات کےدوران لاہور میں جاری ترقیاتی کاموں اور سیاسی امور پر تبادلہ خیال کیا گیا۔

ملاقات کے دوران وزیراعلیٰ پنجاب مریم نواز نے گفتگو کرتے ہوئے کہا کہ ڈویلپمنٹ پراجیکٹ کی تکمیل پر لاہور کی کوئی سڑک خراب اور گلی ٹوٹی نہیں رہے گی۔ایل ڈی اے ایوینیو ون میں ماڈل سینٹرل پارک قائم کر کے لاہور ری ویمپنگ ڈویلپمنٹ پراجیکٹ کا آغاز کردیا۔

وزیراعلیٰ پنجاب نے مزید کہا کہ لاہور میں 100 مقامات پر فری وائی فائی سروس فراہم کی گئی ہے، لاہور میں پہلا سرکاری کینسر ہسپتال اور نواز شریف آئی ٹی سٹی بنا رہے ہیں۔

عون چودھری نے لاہور کے ترقیاتی منصوبوں میں وزیراعلیٰ پنجاب مریم نواز کی خصوصی دلچسپی کو سراہا۔