پاکستان سٹاک ایکسچینج میں تیزی، 6سوسے زائد پوائنٹس کا اضافہ

پاکستان سٹاک ایکسچینج میں ٹریڈنگ کے دوران مثبت رجحان ہے، جہاں کے ایس ای-100 انڈیکس میں 6سوسے زائد پوائنٹس کا اضافہ دیکھنے میں آیا۔

کے ایس ای-100 انڈیکس 680 پوائنٹس یا 0.87 فیصد اضافے کے بعد بڑھ کر 78 ہزار 621 پر پہنچ گیا۔

یاد رہے کہ 20 جون کو پاکستان سٹاک ایکسچینج میں زبردست تیزی کا رجحان رہا اور بینچ مارک کے ایس ای-100 انڈیکس 2094 پوائنٹس اضافے کے بعد 78 ہزار 801 کی نئی بلند ترین سطح پر پہنچ گیا تھا۔

اس سے اگلے روز ابتدائی ٹریڈنگ کے دوران کے ایس ای100 انڈیکس 1199 پوائنٹس اضافے کے بعد 80 ہزار کی نئی بُلند ترین سطح پر پہنچ گیا، تاہم کاروبار کے اختتام تک یہ رجحان برقرار نہیں رہ سکا تھا اور انڈیکس محض 9 پوائنٹس اضافے سے 78 ہزار 810 پر بند ہوا تھا۔

اس سے قبل 12 جون کو بجٹ پیش کیے جانے کے بعد 14 جون کو بینچ مارک کے ایس ای-100 انڈیکس 877 پوائنٹس اضافے کے بعد تاریخ میں پہلی بار 77 ہزار کی سطح عبور کر گیا تھا۔