کراچی ،تیز ہوائوں کے ساتھ بارش سے موسم خوشگوار

کراچی میں تیز ہوائوں کے ساتھ بارش سے موسم خوشگوار ہو گیا۔گرمی کے ستائے شہریوں کے چہرے خوشی سے کھل اٹھے۔

کئی روز سے جاری ہیٹ ویو کے بعد شہر میں کالی گھٹائیں چھاگئیں اور بارش کی جھڑی لگ گئی جس کے نتیجے میں گرمی کا زور ٹوٹ گیا۔

نارتھ ناظم آباد، ناظم آباد، نیو کراچی، ایف بی ایریا، گلشن اقبال، اسکیم 33، سرجانی ٹاؤن، اورنگی، کورنگی، لانڈھی، ملیر، شاہ فیصل، ایئرپورٹ، گڈاپ، اولڈ سٹی ایریا اور سائٹ ایریا میں تیز ہوا کے جھکڑ چل رہے ہیں جس کے ساتھ رم جھم برس رہی ہے۔

ابرکرم برستے ہی بعض علاقوں میں بجلی کی فراہمی بھی معطل ہوگئی جس سے لوگوں کو معمولات زندگی میں مشکلات کا سامنا ہے۔