بھارتی وزیراعظم نریندر مودی کی بھارتی کپتان روہت شرما کو شاباش 

 بھارتی وزیراعظم نریندر مودی نے سماجی رابطے کی ویب سائٹ ٹویٹر(ایکس) سے ٹویٹ کرتے ہوئے بھارتی ٹیم کی ورلڈ کپ میں کامیابی کو سراہا۔ 
وزیراعظم نریندر مودی نے ٹویٹ کرتے ہوئے بھارتی کرکٹ ٹیم کے کپتان روہت شرما کو مخاطب کرتے ہوئے کہا کہ آپ ایک بہترین شخصیت ہو۔ 
نریندر مودی نے کپتان روہت شرما کے بیٹنگ اور کپتانی میں جارحانہ انداز اپنانے کی تعریف کی ، بھارتی وزیراعظم نے لکھا کہ روہت شرما کا کرکٹ کا کیریئر بطور کپتان ہمیشہ یاد رکھا جائے گا۔ 

بھارتی کرکٹ ٹیم نے آئی سی سی ٹی ٹوینٹی ورلڈ کپ 2024 میں روہت شرما کی کپتانی میں بہترین کارکردگی کا مظاہرہ کرتے ہوئے ورلڈ کپ کی فائنل ٹرافی جیت لی۔ ورلڈ کپ کے اختتام کے ساتھ ہی بھارتی مایہ ناز بلے باز روہت شرما کے کرکٹ کے کیریئر کا بھی اختتام ہو گیا ہے۔

بھارتی ٹیم کے آل راؤنڈررویندرا جڈیجا نے بھی ٹی ٹوئنٹی انٹرنیشنل سے ریٹائرمنٹ کااعلان کردیا۔

17 سال بعد ٹی ٹوئنٹی کا عالمی چیمپئن بننے کے بعد بھارتی ٹیم کے سینئر کھلاڑیوں کی ریٹائرمنٹ کا سلسلہ جاری ہے، سب سے پہلے ویرات کوہلی نے مختصر فارمیٹ سے ریٹائرمنٹ کا اعلان کیا۔

بعد ازاں، بھارت کو چیمپئن بنوانے والے کپتان روہت شرما نے بھی پریس کانفرنس کے دوران جنوبی افریقہ کے خلاف فائنل کو اپنا آخری میچ قرار دیتے ہوئے ٹی ٹوئنٹی انٹرنیشنل کو الوداع کہہ دیا۔

اب بھارتی ٹیم کے آل راؤنڈر رویندرا جڈیجا کی جانب سے سوشل میڈیا پر ریٹائرمنٹ کا اعلان کیا گیا ہے، اپنے مختصر پوسٹ میں انہوں نے کہا کہ ہمیشہ بہترین کھیل پیش کرنے کی کوشش کی ہے۔

واضح رہے کہ امریکا اور ویسٹ انڈیز میں ہونے والے ٹی ٹوئنٹی ورلڈکپ میں بھارت کے تقریباً تمام کھلاڑیوں نے ہر میچ میں جیت میں اہم کردار ادا کیا لیکن اس ایونٹ میں جڈیجا آف کلر دکھائی دیے اور انہوں نے کسی ایک میچ میں بھی بولنگ اور بیٹنگ میں اچھی کارکردگی نہیں دکھائی۔

راولاکوٹ ڈسٹرکٹ جیل سے 19 قیدی فرار ہوگئے جبکہ 1 فائرنگ کے تبادلے میں مارا گیا، فرار ہونے والے قیدیوں میں دہشتگردی، قتل، اقدام قتل اور منشیات فروشی کےجرم میں ملوث قیدی شامل ہیں۔

پولیس ذرائع کے مطابق ایک قیدی نے مرکزی دروازے پر موجود سنتری کو گن پوائنٹ پر یرغمال بنایا، فرار ہونے والے قیدیوں میں غازی شہزاد نامی قیدی بھی شامل جسے سی ٹی ڈی نے پکڑ کر پولیس کے حوالے کیا تھا۔

غازی شہزاد کا تعلق کالعدم دہشت گرد تنظیم سے تھا، غازی شہزاد گڑالہ پلندری کا رہائشی تھا، انیس قیدی فرار ہونے میں کامیاب ہوئے، ایک قیدی فائرنگ کے تبادلے میں مارا گیا۔

راولاکوٹ میں مختلف راستوں پر ناکہ بندی کر دی گئی، قیدیوں کو پکڑنے کیلئے پولیس کی اضافی نفری طلب کر لی گئی۔