اسلام آباد : فیکٹری کی چھت گرنے سے5 مزدور ملبے تلے دب کر جاں بحق

اسلام آباد : اسلام آباد کے علاقے ہمک میں واقع ایک فیکٹری کی چھت اچانک گرنے سے ایک دلخراش حادثہ پیش آیا ہے جس میں کم از کم 7مزدور ملبے تلے دب گئے۔ 5 مزدور جاں بحق ہوگئے جبکہ 2 مزدوروں کو بچا لیا گیا۔

واقعے کی اطلاع ملتے ہی ریسکیو اہلکار فوری طور پر موقع پر پہنچے اور ملبے کو ہٹانے کا عمل شروع کر دیا۔ کئی گھنٹوں کی کوشش کے بعد ریسکیو ٹیموں نے ملبے تلے دبے 2مزدوروں کو نکال لیا۔

اسلام آباد سے افسوسناک خبر!!#GNN #BreakingNews #NewsUpdates #GNN_Updates pic.twitter.com/9apPdpQZh6

— GNN (@gnnhdofficial) August 27, 2024

زخمیوں کو فوری طور پر قریبی ہسپتال منتقل کر دیا گیا ہے جہاں انہیں طبی امداد فراہم کی جا رہی ہے۔ تاہم دو زخمیوں کی حالت تشویش ناک بتائی جا رہی ہے۔ 

اس وقت تک حادثے کی اصل وجوہات کا تعین نہیں ہو سکا ہے۔

 ریسکیو ذرائع کے مطابق جاں بحق مزدوروں میں 4 تونسہ شریف  اور ایک  کا تعلق  کراچی سے تھا۔