پاکستانی مایہ ناز پلیئر بابر اعظم آج تیس برس کے ہو گئے

بابر اعظم آج تیس برس کے ہو گئے۔
پاکستان ٹیم کے مایہ ناز بلے باز آج اپنی تیسویں سالگرہ منا رہے ہیں۔
تفصیلات کے مطابق پاکستان کرکٹ ٹیم کے سابق کپتان اور مایہ ناز بلے باز بابر اعظم تیس برس کے ہو گئے۔
بابر اعظم کو ان کےساتھی کھلاڑٰیوں جن میں شاداب خان، شاہین آفریدی، حارث رؤف اور دیگر کھلاڑیوں نے سوشل میڈیا پوسٹ پر سالگرہ کی مبارک دی۔
دنیا کے مایہ ناز کھلاڑیوں اور  مداحوں نے بابر اعظم کی سالگرہ پر نیک خواہشات کا اظہار کیا اور ان کی کامیابی کی دعا کی۔
خیال رہے کہ بابر اعظم آج انگلینڈ کے خلاف کھیلے جانے والے دوسرے ٹیسٹ میچ کے سکواڈ میں شامل نہیں ہیں۔
واضح رہے کہ بابر اعظم نے اپنے ون ڈے کیرئیر کا آغاز 2015 میں ویسٹ انڈیز کے خلاف کیا تھا، بابر اعظم اب تک 295  میچوں میں پاکستان کی نمائندگی کر چکے ہیں۔