پاکستان اسٹاک ایکسچینج میں کاروبار کے مثبت آغاز کےبعد شدید مندی

کاروباری ہفتے کے دوسرے روز پاکستان اسٹاک ایکسچینج میں کاروبار کا مثبت آغاز ہوا، لیکن دوران کاروبار مارکیٹ منہ کے بل آگری۔

منگل کو کاروبار کے آغاز پر پاکستان اسٹاک ایکسچینج میں تیزی کا رجحان دیکھا گیا اور 100 انڈیکس میں 588 پوائنٹس کا اضافہ ریکارڈ کیا گیا، جس کے بعد انڈیکس 1 لاکھ 16 ہزار 843 پوائنٹس پر پہنچ گیا۔

لیکن اس کے بعد اتار چڑھاؤ دیکھنے میں آیا اور بالآخر انڈیکس میں گراوٹ شروع ہوگئی۔

دن کے بیچ میں مندی کی لہر دیکھی گئی اور 100 انڈیکس میں 2000 پوائنٹس سے زائد کمی ہوگئی، جس کے بعد 100 انڈیکس 1 لاکھ 14 ہزار 200 پر آگیا۔

گزشتہ روز کاروبار کے اختتام پر پاکستان اسٹاک مارکیٹ 1 لاکھ 16 ہزار 735 پوائنٹس پر بند ہوئی تھی۔