چیمپئنز ٹرافی ،گروپ میچز اور پہلے سیمی فائنل کےلیے ٹکٹوں کی فروخت کل سے شروع ہو گی 

لاہور:آئی سی سی چیمپئنز ٹرافی کے گروپ میچز اور پہلے سیمی فائنل کےلیے ٹکٹوں کی فروخت کا آغاز کل 28 جنوری سے شروع ہوگا۔
ٹورنامنٹ میںجنرل اسٹینڈزکے ٹکٹ کی قیمت ایک ہزار روپے رکھی گئی ہے،جبکہ پریمیئم سیٹس مختلف کیٹگریز میں 1500 روپے سےدستیاب ہوں گی۔
جبکہ ایونٹ کے دبئی میں ہونے والے میچز کی ٹکٹس کے حوالے سے جلدہی آئی سی سی آگاہ کرےگا،
جبکہ ایونٹ کےفائنل کے ٹکٹس پہلے سیمی فائنل کے اختتام پر دستیاب ہونگے۔
خیال رہے ایونٹ کا آغاز 19 فروری سے پاکستان اور نیوزی لینڈ کے درمیان میچ سے ہو گا جبکہ فائنل 9 مارچ کو کھیلا جائے گا،ٹورنامنٹ ہائیبرڈ ماڈل کے تحت پاکستان اور متحدہ عرب امارات (یو اے ای ) میں کھیلا جائے گا۔
اگر بھارت ٹورنامنٹ کے فائنل میں پہنچتا ہے تو فائنل دبئی میں کھیلا جائے گا، بھارت کے فائنل میں نہ پہنچنے کی صورت میں فائنل پاکستان میں کھیلا جائے گا۔
ٹورنامنٹ ڈائریکٹر سمیر احمد سید نے کہا کہ آئی سی سی چیمپئنز ٹرافی شائقین کو بہترین کرکٹ کے ناقابل فراموش لمحات فراہم کرے گی، نئے اپ گریڈ سٹیڈیمز میں شائقین کھیل کے خوبصورت لمحات سے پوری طرح لطف اندوز ہوسکیں گے۔
ان کامزید کہنا تھا کہ والدین کے لئے یہ ایک بہترین موقع ہے کہ وہ اپنے بچوں کو اس کھیل سے روشناس کرائیں اور اس کھیل سے ان کی محبت میں اضافہ ہو۔