بھارت: متنازع وقف ترمیمی بل پر ملک کے مختلف شہروں میں پرتشد د مظاہرے

نئی دہلی: بھارت میں مسلم مخالف وقف ترمیمی بل کے خلاف ملک کے مختلف شہروں میں پرتشدد مظاہروں کا سلسلہ جاری ہے۔
بھارتی میڈیا کے مطابق مسلمانوں کی اراضی پر غیرقانونی قبضے کے خلاف احتجاج اب پورے بھارت میں پھیل چکا ہےاور ملک کے مختلف شہروں میں پرتشدد مظاہروں کا سلسلہ جاری ہے۔
بھارتی ریاست بنگال کے علاقے مرشد آباد میں شدید مظاہرے سامنے آئے، جہاں مظاہرین نے پولیس اہلکاروں کی موٹرسائیکلیوں کو آگ لگا دی اور پولیس بس بھی نذیر آتش کر دی جبکہ پولیس نے مظاہرین کو منتشر کرنے کے لیے فائرنگ اور آنسو گیس کا استعمال کیا۔
مظاہروں میں پولیس کے فائرنگ سے متعدد افراد زخمی و ہلاک ہوئے۔

مظاہرین کے خلاف پولیس طاقت کے استعمال نے کشیدگی کو مزید بڑھا دیا، جس کے بعد ملک بھر میں مزید احتجاج کا اعلان کر دیا گیا۔
وقف بل کے خلاف اپوزیشن جماعتوں، مسلم تنظیموں اور انسانی حقوق کے گروپوں نے ملک بھر میں احتجاج کی کال دی ہے۔
واضح رہے کہ کچھ روز قبل حکمران انتہا پسند جماعت بےجےپی نے مسلمانوں کی جانب سے وقف کی گئی جائیدادوں کو ہڑپ کرنے کے لیے ایک متنازع قانون راجیہ سبھااور لوک سبھا سے پاس کروایا تھا جو کہ بعدا زاں صدر جمہوریہ ہند کی منظوری کے بعد باقاعدہ قابون بن چکا ہے۔
 دوسری جانب اس بل کو بھارتی سپریم کورٹ میں پہلے ہی چیلنج کیا جا چکا ہے، جبکہ مسلم کمیونٹی کے اربوں روپے کی زمینوں پر قبضے کی کوشش پر وزیر اعظم نریندر مودی کو عالمی سطح پر تنقید کا سامنا ہے۔