ملک میں کورونا کی تشخیص اورعلاج کیلئے میڈیکل آلات کی قلت کاخدشہ

جی این این کے مطابق  ملک میں  کورونا کی تشخیص اورعلاج کے  لیے میڈیکل آلات  کی  قلت  کاخدشہ   ہے ، حکومت نے ڈیڑھ ماہ بعد بھی میڈیکل آلات پرٹیکس چھوٹ کا ایس آراو جاری  نہیں  کیا   جس کے باعث تمام امپورٹرز کے سیکڑوں کنسائنمنٹ کسٹمزمیں پھنس گئے۔ طبی آلات  میں  ایکسرے  فریم  ، مختلف مشینیں اور کیمیکل شامل   ہیں ۔

حالیہ  بجٹ میں کوروناکے علاج سے متعلق میڈیکل آلات پرٹیکس چھوٹ جاری رکھنے کافیصلہ کیاگیا تھا اور کوروناسے متعلق میڈیکل آلات کو گزشتہ برس سیلزٹیکس اور انکم ٹیکس سے مستثنیٰ قرار دیاگیاتھا۔ امپورٹرز کاکہنا ہے کہ گذشتہ  ایس  ار  او  کی  مدت  ختم  ہوچکی  اور حکومت  نےڈیڑھ ماہ بعد بھی نیا ایس راو جاری  نہیں  کیا ، ایس  اراو  جاری  نہ  ہونے  پر طبی  الات  کے  قیمتوں  میں  20 سے  25 فیصد  اضافہ  ہوگا۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید15فراد چل بسے ۔ ملک میں  اموات کی مجموعی تعداد22 ہزار597ہوگئی ہے،جبکہ  متاثرہ افراد کی مجموعی تعداد 9لاکھ75ہزار092ہوگئی ہے ۔