دریائے سوات کے فضا گٹ کے مقام پر شدید طغیانی، سیلابی ریلہ متعدد افراد کو بہا لے گیا

دریائے سوات کے فضا گٹ کے مقام پر شدید طغیانی کے باعث بڑا حادثہ پیش آیا، جہاں سیلابی ریلے میں بہہ کر متعدد افراد لاپتا ہوگئے۔ ریسکیو حکام کے مطابق 5 افراد کی لاشیں دریا سے نکال لی گئی ہیں جبکہ دیگر کی تلاش کے لیے ریسکیو آپریشن جاری ہے۔

عینی شاہدین کا کہنا ہے کہ 19 افراد سیلابی ریلے میں پھنسے ہوئے ہیں جن میں سے کئی کو ریلہ بہا کر لے گیا، ریسکیو 1122 کے مطابق 5 مختلف مقامات پر سرچ آپریشن جاری ہےجس میں 80 سے زائد اہلکار حصہ لے رہے ہیں۔

تیز بہاؤ اور مشکل زمینی حالات کے باعث امدادی کارروائیوں میں رکاوٹوں کا سامنا ہے۔

ضلعی انتظامیہ نے شہریوں سے اپیل کی ہے کہ وہ دریا کے کناروں سے دور رہیں اور کسی بھی ہنگامی صورتحال میں فوراً ریسکیو سے رابطہ کریں۔