جنوبی افریقہ نے آسٹریلیا کو 84 رنز سے شکست دے کر سیریز 0-2 سے جیت لی

جنوبی افریقہ نے دوسرے ایک روزہ میچ میں آسٹریلیا کو 84 رنز سے شکست دے کر سیریز 0-2 سے اپنے نام کر لی۔ یہ میچ میکے، آسٹریلیا میں کھیلا گیا، جہاں جنوبی افریقہ کے لنگی نگیدی کی شاندار باؤلنگ اور میتھیو بریٹزکے اور ٹرسٹن اسٹبز کی نصف سنچریوں نے میزبان ٹیم کو با آسانی زیر کیا۔

جنوبی افریقہ نے پہلے بیٹنگ کرتے ہوئے 277 رنز اسکور کیے۔ میتھیو بریٹزکے نے 88 اور ٹرسٹن اسٹبز نے 74 رنز کی عمدہ اننگز کھیلیں۔ آسٹریلوی باؤلرز میں ایڈم زمپا نے 63 رنز کے عوض 3 وکٹیں حاصل کیں، جبکہ مارنوس لبوشین اور نیتھن ایلس نے 2،2 وکٹیں اپنے نام کیں۔

ہدف کے تعاقب میں آسٹریلیا کی بیٹنگ لائن شروع سے ہی مشکلات کا شکار رہی۔ 38 رنز پر میزبان ٹیم کے 3 کھلاڑی پویلین لوٹ چکے تھے۔ جوش انگلس نے 87 رنز کی شاندار اننگز کھیل کر پروٹیز باؤلرز کے خلاف مزاحمت کی، تاہم دیگر بیٹرز زیادہ دیر میدان میں نہ ٹہر سکے۔

جنوبی افریقہ کے فاسٹ باؤلر لنگی نگیدی نے اپنی عمدہ باؤلنگ سے آسٹریلوی ٹیم کو 193 رنز پر آؤٹ کر دیا، اور اس طرح جنوبی افریقہ نے 84 رنز سے کامیابی حاصل کی۔

سیریز کا تیسرا اور آخری ایک روزہ میچ 24 اگست کو کھیلا جائے گا۔