پی سی بی نے محمد حفیظ اور سرفراز احمد کی صلح کروا دی

تفصیلات کے مطابق  محمد حفیظ اور سرفراز احمد کے درمیان سوشل میڈیا پر  بیان بازی کے معاملے پر  پاکستان کرکٹ بورڈ (پی سی بی ) نے  محمد حفیظ اور سرفراز احمد  کی صلح کروا دی۔ٹیم کے مینیجر منصور رانا نے دونوں کھلاڑیوں کا رابطہ کروایا۔منصور رانا نے کرکٹرز کے درمیان رابطہ چئیرمین پی سی بی کی ہدایت پر کرایا گیا۔سرفراز احمد کو مینجمنٹ کی جانب سے تنبیہ بھی دی گئی،  پی سی بی کےبڑوں نے کھلاڑیوں کی سوشل میڈیا پر بیان بازی پر ناراضگی کا اظہار کیا۔

واضح رہے کہ  جنوبی افریقا کے خلاف  کھیلے گئے پہلے ٹی ٹوئنٹی میچ میں سنچری بنانے پر محمد حفیظ نے وکٹ کیپر بیٹسمین محمد رضوان کی تعریف کرتے ہوئے کہا تھا کہ  آپ چمکتے ہوئے ستارے ہو، حیرت ہے کہ آپ کو کب تک یہ ثابت کرنے کی ضرورت ہے کہ آپ تمام فارمیٹس میں پاکستان کے نمبر ون وکٹ کیپر بیٹسمین ہو۔

جس کے بعد سرفراز احمد نے سوشل میڈیا پر  محمد حفیظ کو جواب دیا کہ حفیظ بھائی پاکستان کے لئے جس نے بھی کھیلا امتیاز احمد،وسیم باری ،تسلیم عارف سے لے کر سلیم یوسف اور معین خان،راشد لطیف سے لے کر کامران اکمل اور اب محمد رضوان تک سب ملک  کے لئے نمبر ون رہے اور اسی کے مطابق ان کی عزت کی جاتی ہے۔