مانیٹری پالیسی : سٹیٹ بینک نے شرح سود 7 فیصدرکھنے کا اعلان کر دیا

تفصیلات کے مطابق گورنر اسٹیٹ بینک رضا باقر کا کہنا ہے  کہ مسلسل پانچویں بارپالیسی ریٹ کومستحکم رکھاگیا ہے۔ مہنگائی کی شرح میں 2فیصدکمی ریکارڈکی گئی ہے۔ جون میں مہنگائی کی شرح8.9فیصدرہی اور کورونا وبا اورلاک ڈاؤن کےدوران بھی معاشی اعشاریئے بہتر ہیں ،کرنٹ اکاؤنٹ خسارہ ایک اعشاریہ8ارب ڈالر پرٹریڈ کر رہا ہے۔

ان کا کہنا ہے کہ بروقت اور بہتر فیصلوں کے باعث معیشت میں استحکام دکھائی دے رہا ہے۔ افراط زر کی شرح 9.7سے کم ہوکر 8.7فیصد ہوگئی ہے۔ کرنٹ اکاوَنٹ خسارے کی بجائےسرپلس ریکارڈ ہوا۔ ڈسکاؤنٹ ریٹ نہ بڑھانے سےانڈسٹریزکو فائدہ ہوگا۔ایکسپورٹ میں13.7فیصد کا اضافہ ہوا اور مزید بڑھنے کی امید ہے۔

گورنر سٹیٹ بینک کا کہنا ہے کہ جاری کھاتوں کا خسارہ 10 سال کی کم ترین سطح پرہے۔  پالیسی ریٹ اس وقت مہنگائی کی شرح سے کم ہے ڈالرکی قیمت میں اتارچڑھاؤ دیکھا گیا ہے۔ 2 سال پہلے اور آج کا ایکس چینج ریٹ تقریبا برابر ہے۔

گورنر سٹیٹ بینک رضا باقر کا مزید کہنا ہے کہ ملکی ذخائرمیں 5.2 بلین کا اضافہ ہوا ہے۔ روشن ڈیجیٹل اکاوَنٹ میں اب تک ایک ارب 80 کروڑ ڈالرآچکے ہیں گزشتہ مالی سال ہماری ترسیلات میں25فیصداضافہ ہوا،ایس ایم ای فنانسنگ کیلئےاسٹیٹ بینک نئی اسکیم کا اعلان کرے گا، ہاؤسنگ اسکیم کیلئےانتہائی کم شرح سود پرفنانسنگ کی سہولت دیں گے۔