کے پی کے میں سیاحوں کو بہترین سہولیات دینے کیلئے جامع حکمت عملی مرتب

تفصیلات کے مطابق  وزیرِ اعظم عمران خان سے وزیرِ اعلی خیبر پختونخوا محمود خان  نے ملاقات   کی ہے، وزیرِ اعلی نے وزیرِ اعظم کو مختلف اضلاع میں جاری سیاحتی سرگرمیوں اور  آنے والے ملکی اور غیر ملکی سیاحوں کو سہولت فراہم کرنے اور مسائل کے تدارک کیلئے اٹھائے گئے حکومتی اقدامات سے تفصیلی طور پر آگاہ کیا۔ اسکے علاوہ سیاحت کے فروغ کیلئے دیئے گئے روڈ میپ کے مطابق ترقیاتی منصوبوں اور اقدامات پر پیش رفت سے آگاہ کیا۔

وزیر اعظم عمران خان کو انضمام شدہ اضلاع میں جاری ترقیاتی منصوبوں پر پیش رفت  پر بھی بریفنگ دی گئی۔

وزیرِ اعظم نے سیاحت کے فروغ کی اہمیت پر زور دیتے ہوئے کہا کہ سیاحت کے شعبے کا فروغ حکومت کی اولین ترجیحات میں شامل ہے۔انہوں نے کہا کہ سیاحت کے فروغ سے نہ صرف مقامی علاقوں میں معاشی سرگرمی پیدا ہوگی بلکہ ملکی معیشت پر بھی مثبت اثرات مرتب ہو نگے۔