ماہرہ خان تیسری بار پشاور زلمی کی برانڈ ایمبیسڈرمقرر

تفصیلات کے مطابق پاکستان سپر لیگ سیزن 6  کا آغاز ہونے جارہا ہے اور اس سلسلےمیں تیاریاں عروج پر ہیں ، پی ایس ایل کی مضبوط  ٹیم    پشاور زلمی نے  سپر اسٹار  ماہرہ خان کو پاکستان سپر لیگ (پی ایس ایل) کے تیسر ے اور  چوتھے سیزن کے  بعد ایک بار پھر  ٹیم کا برانڈ ایمبسڈر  مقرر کردیا ہے ۔ اداکارہ جلد اپنی ٹیم کی تشہیر اور کھلاڑیوں کی حوصلہ افزائی کرتے نظر آئیں گی۔

برانڈ ایمبسیڈر مقرر کرنے کا اعلان پشاور زلمی کے چیئرمین جاوید آفریدی نے اپنے ٹوئٹر اکاؤنٹ پر کیا۔

PLEASURE TO ANNOUNCE @TheMahiraKhan AS @PeshawarZalmi’s BRAND AMBASSADOR FOR PSL 6. pic.twitter.com/acI2Sug9B2

— Javed Afridi (@JAfridi10) February 16, 2021

پی ایس ایل کے چھٹے  سیزن  کیلئے  پشاور زلمی کے ٹوئٹر اکاؤنٹ پر بھی   اعلان کیا گیا کہ ’ ہمیں ماہرہ خان  کو پشاور زلمی کا حصہ بنا کر بے حد خوشی ہورہی ہے وہ  ہمیشہ سے ہی زلمی کی وفادار سپورٹر رہی ہیں" ۔

Happy to announce & continue our association with @TheMahiraKhan who has been the face of Zalmi and a loyal supporter since the start. #Zalmifamily #ZKingdom #Yellowstorm pic.twitter.com/88YDrl2nkg

— PeshawarZalmi (@PeshawarZalmi) February 16, 2021

خیال رہے کہ چند روز قبل ہی پی ایس ایل 6 کا ترانہ ریلیز کیا گیا ہے جس  پر مداحوں کی جانب سے  ملے جلے ردعمل کااظہار  کیا گیا ہے۔  پی ایس ایل 6 کی افتتاحی تقریب 20 فروری کو کراچی کے نیشنل اسٹیڈیم میں منعقد کی جائے گی۔ سیزن 6 کے افتتاحی میچ سے قبل میوزک پروگرام کی ریکارڈنگ استنبول میں جاری ہے۔

پی ایس ایل سیزن 6 کے تمام میچز پاکستان میں ہی کھیلے جائیں گے، جن کے لیے لاہور اور کراچی کے اسٹیڈیمز کا انتخاب کیا گیا ہے۔پہلے راؤنڈ کے تمام میچز کراچی کے نیشنل اسٹیڈیم میں کھیلے جائیں گے، مجموعی طور پر کراچی میں 20 اور لاہور میں فائنل سمیت 13 میچز کھیلے جائیں گے۔