ویکسینیشن نہ کروانے والے سرکاری ملازمین کے خلاف کاروائی کا عندیہ

تفصیلات کے مطابق تمام انتظامی سربراہان کو فہرستیں مہیا کرنے کے احکامات جاری کر دیے گئے ہیں۔

کمشنر لاہورڈویزن کیپٹن (ر) محمد عثمان کا کہنا ہے سرکاری ملازمین روزانہ سینکڑوں افراد سے ملتے ہیں،سرکاری ملازمین کی ترجیحی بنیادوں پر ویکسینیشن سے قیمتی جانوں کی حفاظت اوروائرس کا پھیلاؤ روکا جا سکتا ہے۔

ان کا مزید کہنا ہے کہ سرکاری اداروں میں ویکسینیشن کے لیے مخصوص کاونٹرزاور سہولیات فراہم کی گئی تھیں،ویکسین لگوانا پاکستان کو صحت اور معاشی نقصان سے بچانا ہے،ویکسین لگوانا اپنی حفاظت کے ساتھ ساتھ ملکی مفاد کا تحفظ بھی ہے۔