جی میل ایپ میں بڑی اپ ڈیٹ

دنیا کی مقبول ترین ای میل سروس جی میل کو اب ای میل میسجز تک محدود رکھنے کی بجائے ہر طرح کے فیچرز سے لیس ہب میں تبدیل کیا جارہا ہے ۔

اپ ڈیٹ کے بعد جی میل موبائل ایپ میں ڈائریکٹ کالنگ کی سہولت کا اضافہ کردیا جائے گا۔ جی میل میں ڈائریکٹ کالنگ کے اس فیچرکے لیے گوگل میٹ کا سہارا لیا جائے گا اور صارفین اپنے کانٹیکٹس سے ون آن ون رابطہ کرسکیں گے ۔

گوگل کی طرف سے اسپیسز کے نام سے رومز چیٹ کا وعدہ بھی کیا گیا ہے جو ٹیکسٹ میسجز اور دیگر فیچرز سے لیس ہوں گے ۔

صارفین آسانی سے ای میل ، چیٹس ، اسپیسز اور میٹ کےدرمیان نیوگیشن کرسکیں گے جبکہ ایڈمن اور سیکیورٹی ٹولز کو بھی بہتر بنایا جائیگا۔

کاروباری اداروں کے لیے یہ نئی تبدیلایں تو 8 ستمبر سے دستیاب ہیں مگر تمام صارفین کے لیے یہ اپ ڈیٹس آنے والے ہفتوں میں دستیاب ہوجائیں گی ۔