کویت : وزارت صحت کا عوام کیلئے بڑا ریلیف

تفصیلات کے مطابق وزارت صحت کویت نے  کوویڈ19 پی سی آر ٹیسٹ کی قیمت میں کمی کا اعلان کردیا ہے جس کا اطلاق اگلے اتوار  سے ہوگا ۔ اس حوالے سے  اسسٹنٹ انڈر سیکرٹری وزارت صحت کا کہنا ہے کہ کویت میں پی سی آر ٹیسٹ کی قیمت زیادہ سے زیادہ 14 دینار مختص کر دی گئی ہے۔ 

گذشتہ روز جمعرات کو ایک پریس بیان میں اسسٹنٹ انڈر سیکرٹری نے   کہا کہ اینٹیجن ٹیسٹ کی قیمت کو بھی کم کرنے کی منظوری دی گئی ہے، خواہ  اسے نجی فارمیسیز سے خریدا جائے یا علاج معالجے کے سینٹر میں استعمال کیا جائے اس ٹیسٹ کی ذیادہ سے زیادہ قیمت 3 دینار ہوگی۔ انہوں نے بتایا کہ یہ ان ٹیسٹوں کی قیمتوں کی مسلسل تشخیص اور ان کے متواتر جائزے کے فریم ورک کے اندر آتا ہے جو کہ کورونا وائرس سے نمٹنے کی مسلسل کاوشوں کا حصہ ہے ۔