شہباز شریف کی کوئی بریت نہیں ہوئی:شہزاد اکبر

تفصیلات کے مطابق شہزاد اکبر کا کہنا ہے کہ خبردینےوالےرپورٹرسےفیصلےکی کاپی مانگی تھی،برطانوی نیشنل کرائم ایجنسی کا فیصلہ2صفحات پر مشتمل ہے ،10ستمبرکو جاری ہوا،برطانوی عدالت نےشہباز شریف خاندان کے 2 بینک اکاؤنٹس فریز کرنے کاحکم دیا تھا۔

ان کا کہنا تھا کہ برطانوی نیشنل کرائم ایجنسی نے سلمان شہباز کے 2مشتبہ اکاؤنٹس کی بناپرتحقیقات کیں،برطانوی عدالت کے فیصلے سے شہباز شریف کا کوئی تعلق ہی نہیں۔ 

انہوں نے کہا ہے کہ مشکوک ٹرانزیکشن پراکاؤنٹ فریز کرنے کا حکم دیا گیا تھا،2019 میں نیشنل کرائم ایجنسی نے مشکوک ٹرانزیکشن پر 2 اکاؤنٹس فریزکیے تھے۔

مشیرداخلہ و احتساب کا کہنا تھا کہ حکم دونوں پارٹیوں کی رضامندی سے جاری کیا گیا،عدالتی آرڈر میں شہباز شریف کا نام نہیں،جب شہباز شریف کو چارج ہی نہیں کیا گیا تو بریت کیسی،نیشنل کرائم ایجنسی نےاس فیصلے کی عدالت سے توثیق کرائی۔

ان کا کہنا تھا کہ یہ انکوائری ایسٹ ریکوری یونٹ یا نیب درخواست پرشروع نہیں کی گئی،11دسمبر کو جو خط لکھا گیا وہ نیشنل کرائم ایجنسی کے خط کے جواب میں لکھاگیا۔ 

ان کا مزید کہنا تھا کہ نیب نے 7 ارب کی منی لانڈرنگ کا مقدمہ احتساب عدالت میں دائر کیا ہوا ہے، 7 ارب کی منی لانڈرنگ کا مقدمہ چل رہا ہے اس کا فیصلہ ابھی ہونا ہے، شہزاد اکبرایف آئی اے کادوسرا مقدمہ  25ارب روپےکی منی لانڈرنگ کا چل رہا ہے،ایف آئی اےکےمقدمے میں شہباز شریف تعاون نہیں کر رہے۔