ٹی ٹوئنٹی ورلڈکپ: اسکاٹ لینڈ نے بنگلادیش کو شکست دے دی

تفصیلات کے مطابق عمان کے شہر العامرات میں کھیلے گئے  ٹی ٹوئنٹی ورلڈ کپ کے پہلے مرحلے کے دوسرے میچ میں بنگلادیشی کرکٹ ٹیم کےکپتان محمود اللہ نے ٹاس جیت کر پہلے فیلڈنگ کا فیصلہ کیا۔

اسکاٹ لینڈ نے مقررہ 20 اوورز میں 9 وکٹوں کے نقصان پر 140 رنز بنائے،کرس گریوز اور مارک واٹ نے ذمہ درانہ بیٹنگ کرتے ہوئے ٹیم کا اسکور 140 رنز تک پہنچایا،کرس گریوز 45، جیورج مونسے 29 اور مارک واٹ 22 رنز بنا کر نمایاں رہے۔

بنگلادیش کی جانب سے مہدی حسن نے 3، شکیب الحسن اور مستفیض الرحمان نے 2،2 کھلاڑیوں کو آؤٹ کیا۔

141 رنز کے تعاقب میں بنگلادیش مقررہ 20 اوورز میں 134 رنز ہی بنا سکا۔اسکاٹ لینڈ نے بنگلادیش کیخلاف اپ سیٹ کرتے ہوئے اس کو 6 رنز سے شکست دی ہے۔

بنگلادیش کی جانب سے  مشفیق الرحیم 38 اور  کپتان محموداللہ 23 رنز بنا کر نمایاں رہے جبکہ اسکاٹ لینڈ کے بریڈ ویل نے 3 اور کرس گریوز  نے 2 کھلاڑیوں کو آؤٹ کیا۔