آرمی چیف سے یورپی یونین کی سفیر اندرولاکامینارا کی ملاقات

پاک فوج کے شعبہ تعلقات عامہ (آئی ایس پی آر) کی جانب سے کردہ بیان کے مطابق  آرمی چیف جنرل قمر جاوید باجوہ سےیورپی یونین کی سفیر اندرولا کامینارا کی ملاقات ہوئی ہے،ملاقات میں  باہمی دلچسپی کے امور، علاقائی سلامتی،افغان صورتحال اور دو طرفہ تعاون پر بات چیت کی گئی۔

آرمی چیف جنرل قمر جاوید باجوہ نے کہا کہ  پاکستان یورپی یونین کے ممالک کے ساتھ اپنے تعلقات کو قدر کی نگاہ سے دیکھتا ہے، ہم مشترکہ مفادات کی بنیاد پر باہمی تعلقات کو بڑھانے کے لیے پر امید ہیں۔

ترجمان پاک فوج کا کہنا ہے کہ  معزز مہمان نے افغان صورتحال میں پاکستان کے کردار، علاقائی استحکام کے لیے کوششوں کو سراہا ہے۔ ای یو سفیر  نے پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کا عزم کیا۔