کورونا ویکسینیشن ، پاکستان نے اہم سنگ میل عبور کرلیا 

تفصیلات کے مطابق  سماجی رابطے کی ویب سائٹ ٹوئٹر پر پیغام میں  وفاقی وزیر اور این سی اوسی سربراہ اسدعمر نے کہا کہ ملک کی 50 فی صد اہل آبادی کو ویکسین کی کم از کم ایک خوراک ایک اہم سنگ میل ہے۔

انہوں نے کہا کہ خیبر پختونخوا کم از کم سنگل خوراک کے ساتھ اپنی نصف آبادی کو ویکسینیٹ کرنے والا دوسرا صوبہ بن گیا ہے ۔ اسد عمر نے مزید بتایا  کہ کل پاکستان میں ویکسین کی 17 لاکھ خوراکیں لگائی گئیں جو ایک دن میں سب سے زیادہ تعداد ہے۔

Reached important milestone of 50% of country's eligible population receiving at least 1 dose. KP became 2nd province to vaccinate half it's eligible population with at least 1 dose. Yesterday was highest vaccination day in Pakistan with 1.7 million doses. #WelldonePakistan

— Asad Umar (@Asad_Umar) November 10, 2021

واضح رہے کہ پاکستان میں  گزشتہ 24 گھنٹوں کے دوران کورونا کے مثبت کیسز کی شرح 1.20  فیصد رہی۔ ملک میں  کورونا سے  اموات کی تعداد 28 ہزار 564 ہوگئی ہے اور مجموعی کیسز 12 لاکھ 78ہزار 114تک جاپہنچے ہیں۔