ساجد سدپارہ مہم جوئی کے دوران سخت ذہنی دباؤ کا شکار  

تفصیلات کے مطابق سماجی رابطے کی ویب سائٹ ٹوئٹر پر وائرل ہونے والی ایک  ویڈیو میں دیکھا جاسکتا ہے کہ علی سدپارہ کے بیٹے ساجد سدپارہ نیپال میں موجود ہیں جہاں مقامی کوہ پیماؤں نے اُنہیں رسیوں سے باندھا ہوا ہے ۔

ویڈیو شیئر کرتے ہوئے بتایا گیا  ہے کہ ساجد سدپارہ نیپال میں سخت ذہنی دباؤ کا شکار ہیں۔  یہ بھی بتایا گیا کہ نیپالی کوہِ پیماؤں نے پاسپورٹ کے ذریعے ساجد سدپارہ کی شناخت کی اور پاکستانی قونصل خانے سے رابطہ کیا گیا ۔

علی سدپارہ کے بیٹے ساجد سدپارہ نیپال میں سخت ذہنی دباؤ کا شکار، مقامی کوہ پیماؤں نے رسیوں سے باندھ دیا شناخت پاسپورٹ کے ذریعے ہوئی اور پاکستانی کونسے خانے سے رابطہ کیا گیا pic.twitter.com/7dShEtIdS4

— Nazir Shah (@SsyedHhussain) November 16, 2021

ساجد سدپارہ اپنے فرانسیسی کوہ پیما کے ساتھ ایورسٹ کیلئے نیا روٹ کھولنے گئے تھے، انہیں ایورسٹ سے واپس لایا جارہا ہے اور آج وہ کھٹمنڈو پہنچیں گے، جہاں اُن کا میڈیکل چیک اپ کیاجائےگا۔

سوشل میڈیا پر ویڈیو وائرل ہوتے ہی ٹوئٹر پر اس وقت ہیش ٹیگ ساجد سدپارہ ٹاپ ٹرینڈ پر آگیا  اور صارفین  نے ان کی اس حالت پر فکرمندی کا اظہار کر رہےہیں ۔ 

خیال رہے کہ رواں سال5 فروری کو سردیوں میں مہم جوئی کے دوران کے ٹو پر لاپتہ ہونے والے کوہ پیما محمد علی سدپارہ کی موت کی تصدیق اُن کے بیٹے ساجد علی سدپارہ نے کی تھی۔ 

محمد علی سد پارہ موسم سرما میں کے ٹو سر کرنے کی مہم جوئی میں مصروف تھے اور اس مہم جوئی میں ان کے ساتھ ان کے بیٹے ساجد سدپارہ سمیت غیر ملکی کوہ پیما بھی تھے۔