انتخابات میں الیکٹرانک ووٹنگ مشین کا استعمال، جمہوریت کے استحکام میں سنگ میل ثابت ہوگا:فواد چوہدری 

تفصیلات کے مطابق وفاقی وزیر اطلاعات و نشریات فواد چوہدری نے سماجی رابطے کی ویب سائٹ ٹوئٹر پر ایک بیان میں کہا کہ انتخابات میں الیکٹرانک ووٹنگ مشین کا استعمال اور بیرون ملک مقیم پاکستانیوں کو ووٹ کا حق ملک میں جمہوریت کے استحکام میں ایک سنگِ میل ثابت ہوں گے۔

انہوں نے کہا کہ آج جب پارلیمنٹ بیرون ملک مقیم پاکستانیوں کو ووٹ کا حق دینے کا قانون منظور کرے گی تو پاکستان تحریک انصاف اپنے ایک اور انتخابی وعدے کی تکمیل کرے گی۔

انشاللہ آج پارلیمان اوْورسیز پاکستانیوں کو انتخابات میں ووٹ ڈالنے کی سہولت کا قانون پاس کر کے تحریک انصاف ایک اور انتخابی وعدے کی تکمیل کرے گی، الیکٹرونک ووٹنگ مشین اور اوورسیز پاکستانیوں کے ووٹ کا قانون پاکستان میں جمہوریت کو مضبوط بنانے کیلئے سنگ میل ثابت ہوں گے

— Ch Fawad Hussain (@fawadchaudhry) November 17, 2021

واضح رہے کہ صدر مملکت عارف علوی نے پارلیمنٹ کا مشترکہ اجلاس آج (بدھ) دوپہر 12 بجے طلب کررکھا ہے  جس  میں حکومت آج الیکٹرانک ووٹنگ مشین کے متعلق قانون سازی کا بل پیش کرے گی ۔