کراچی : زینب مارکیٹ کے قریب وکٹوریہ سنٹر میں خوفناک آتشزدگی 

تفصیلات  کے مطابق عینی شاہدین کاکہنا ہے کہ وکٹوریا سنٹر میں  آتشزدگی سے بھگدڑ مچ گئی ۔ خوفناک آتشزدگی کے بعد بحالی کا کام شروع نہیں ہو سکا کہ ایک اور مارکیٹ میں خوفناک آگ بھڑک اٹھی ہے۔ 

فائر بریگیڈ کے مطابق صدر میں زینب مارکیٹ کے قریب وکٹوریا سینٹر کی پانچویں منزل پر آگ لگ گئی ہے جسے بجھانے کے لیے مرکزی فائر بریگیڈ کے علاوہ صدر، منظور کالونی اور دیگر سینٹر سے گاڑیاں اور فائر فائٹر روانہ کر دیئے گئے ہیں ۔ 

تر جما ن سندھ رینجرز  کے مطبق فائربریگیڈکی 6گاڑیاں آگ بجھانے میں مصروف ہیں ،  سندھ رینجرز کے جوان موقع پر پہنچ گئے، جائے حادثہ کو کارڈن آف کر لیا گیا۔ 

وزیراعلیٰ سندھ مراد علی شاہ نے  صدر وکٹوریہ مارکیٹ میں آتشزدگی کا نوٹس لے لیا ۔   وزیراعلیٰ سندھ کی ایڈمنسٹریٹر کے ایم سی اور کمشنر کراچی کو ہدایات دیتے ہوئے کہاکہ  آگ پر فوری قابو پایا جائے، تفصیلی انکوائری رپورٹ چاہئے کہ کوآپریٹو مارکیٹ اور وکٹوریہ مارکیٹ میں آگ لگنے کی وجوہات کیا ہیں، وزیراعلیٰ سندھ نے کہا کہ  وکٹوریہ مارکیٹ میں آگ سے کوئی جانی نقصان نہیں ہونا چاہئے۔

خیال رہے کہ وکٹوریا سینٹر کے قریبی کوآپریٹو مارکیٹ میں تین دن قبل خوفناک آتشزدگی سے پانچ سو سے زائد دکانیں جل کر تباہ ہو چکی ہیں۔

کراچی کے علاقے صدر میں وکٹوریہ سنٹر میں آگ لگ گئی #GNN #GNNUpdates pic.twitter.com/OHBzxHfWKM

— GNN (@gnnhdofficial) November 17, 2021