پریانکا چوپڑا نے شوہر نک جونس کو آڑے ہاتھوں لے لیا

بالی ووڈ سمیت ہالی ووڈ میں بھی اپنے ٹیلنٹ کا لوہا منوانے والی بھارتی اداکارہ   پریانکا چوپڑا نے  حال ہی میں  اپنے انسٹاگرام اکاؤنٹ سے اپنے نام  کے ساتھ   شوہر نِک جونس کا نام ہٹا دیا تھااور اس کی کوئی وضاحت بھی نہیں دی تھی ،   جس کے بعد افواہیں زیر گردش تھیں  کہ اِن دونوں کے درمیان طلاق ہوگئی ہے۔ 

طلاق کی خبریں سامنے آنے کے ایک دن بعد ہی پریانکا چوپڑا نے ایک روسٹنگ  سیشن ( کسی کا مذاق بنانا یا نقل اتارنا) میں  ناظرین  کے سامنے اپنے شوہر، امریکی گلوکار نِک جونس اور ان کے بھائیوں کا مذاق اڑاتے ہوئے ایک ویڈیو شئیر کی ہے ۔ 

 

 

 

 

 

View this post on Instagram

 

 

 

 

 

 

 

 

 

 

 

A post shared by Priyanka (@priyankachopra)

بھارتی اداکارہ نے اپنے شوہر اور ان کے بھائیوں کے بارے میں کہا کہ  وہ یہ اعزاز حاصل کرنے پر بہت پر جوش ہیں کہ وہ اپنے شوہر نک جونس اور ان کے بھائیوں کو جن کے نام اِنہیں کبھی یاد نہیں ہوتے، ان کی روسٹنگ کریں گی ۔

ویڈیو میں انہوں نے مزید کہا کہ’ نک اور اِن کی عمر میں 10 سال کا فرق ہے، اور 90 کی دہائی کے پاپ کلچر کے حوالے سے بہت سی چیزیں ہیں جو نِک  کو معلوم نہیں اور اس حوالے سے وہ انہیں سمجھاتی ہیں ، بالکل اسی طرح جیسے وہ ٹک ٹاک کے حوالے سے اپنے شوہر سے مدد لیتی ہیں اور انہوں نے نِک کو دکھایا کہ ایک کامیاب اداکاری کا کیریئر کیسا ہوتا ہے، وہ ایک دوسرے کو سکھاتے ہیں ۔

اس سے قبل پریانکا چوپڑا نے اپنی طلاق کی خبروں کے بعد شوہر کے لیے محبت بھرا پیغام  بھی جاری کیا تھا ۔ 

واضح رہے کہ پریانکا چوپڑا کی والدہ مدھو چوپڑا نے بیٹی کی طلاق کی خبروں پر ردّعمل دیتے ہوئے کہا ہے کہ ’یہ سب بکواس ہے، افواہیں مت پھیلائیں۔‘

یاد رہے کہ پریانکا چوپڑا اور نک جونس نے سال 2018 میں یکم دسمبر کو ہندواور 2 دسمبر کو عیسائی طرزِ عمل کی شادی کی تھی۔