بارباڈوس: گلوکارہ ریانا کو ’قومی ہیرو‘ کا خطاب مل گیا

نیویارک: شمالی امریکی کیریبین ملک بارباڈوس نے امریکی پاپ گلوکارہ ریانا کو  ’قومی ہیرو‘ قرار دے دیا ہے۔

ملک کے وزیراعظم نے  خصوصی تقریب میں گلوکارہ کو سرکاری اعزاز سے نوازا جبکہ  ملک کے نام کے ساتھ  ’جمہوری‘ کا لفظ بھی لگا دیا گیا۔ ریانا کو قومی ہیرو قرار دیے جانے والی تقریب میں وزیراعظم نے انہیں ملک کا فخر قرار دیا۔

اس سے پہلے 1866 میں ’سارا این گل‘ نامی مذہبی اسکالر خاتون کو ’قومی ہیرو‘ قرار دیا گیا تھا، جبکہ ریانا بارباڈوس کی 150 سالہ تاریخی کی دوسری خاتون ہیں جنہیں اس اعزاز سے نوازا گیا ہے۔

بارباڈوس نے 2018 میں امریکی گلوکارہ کو صحت و تعلیم کا سفیر بھی مقرر کیا تھا جب کہ انہیں دیگر متعدد ایوارڈز سے بھی نوازا جا چکا ہے۔

Barbados celebrates becoming republic as island swears in first president and honours Rihanna as “national hero”https://t.co/ohBUIQ8U5B pic.twitter.com/kBuTvXp2hy

— BBC News (World) (@BBCWorld) November 30, 2021

دوسری جانب حکومت نے ملکہ برطانیہ ایلزبتھ دوئم کا نام  اعزازی ریاستی سربراہ سے ہٹا دیا ہے، اور ملک  کا سرکاری نام ’جمہوریہ بارباڈوس‘ رکھ دیا ہے۔

1966 میں آزادی سے پہلے بارباڈوس بھی سلطنت برطانیہ کے قبضے میں رہ چکا ہے۔ برطانوی ملکہ گزشتہ 70 سالوں سے بارباڈوس کی اعزازی سربراہ تھیں۔