واٹس ایپ اسٹیٹس فیچر کے ذریعے صفائیاں دینے لگا

واٹس ایپ نے آج اپنے صارفین کو حیران کر دیا جب اچانک ان کے واٹس ایپ سٹیٹس میں سب سے پہلا سٹیٹس ہی واٹس ایپ کمپنی کا نظر آیا۔ جس میں کمپنی کی جانب سے چار سٹیٹس لگائے گئے ۔جن کا مقصد صارفین کے تحفظات کو دور کرنا ہے۔

پہلےاسٹیٹس میں واٹس ایپ نے خبر دی کہ واٹس ایپ  نے واٹس ایپ اسٹیٹس جوائن کر لیا ہے اوراس کی مدد سے ہم اپنے صارفین کے ساتھ رابطے میں رہیں گے۔

دوسرے اسٹیٹس میں کہا کہ آپ کی پرائیویسی کیلیے ہمارا عزم وہی ہے جو کوئی نئی چیز نہیں ہے۔

تیسرے اسٹیٹس میں واٹس ایپ نے وضاحت پیش کی کہ صارفین کی کالز یا پیغامات واٹس ایپ سمیت کوئی تیسرا فرد یا ادارہ سن یا دیکھ نہیں سکتا ،واٹس ایپ اینڈ ٹو اینڈ انکرپٹڈ ہے۔

چوتھے اور آخری سٹیٹس میں انتظامیہ نے کہا کہ  مزید معلومات کیلئے کمپنی کے ساتھ جڑے رہیے۔

خیال رہے  کہ واٹس ایپ کی نئی پرائیویسی پالیسی کے بعد سے صارفین تحفظات کا شکار تھے جبکہ حکام واٹس ایپ کی جانب سے متعدد بار وضاحتیں بھی جاری کی جا چکی ہیں۔