آج سے ملک بھر میں پانچ روزہ  پولیو مہم کا آغاز 

تفصیلات کے مطابق پولیع  مہم کے دوران 4 کروڑسے زائد بچوں کو قطرے پلائے جائیں گے ، محکمہ صحت کے مطابق   انسداد پولیو مہم ایک ہفتہ جاری رہے گی ۔ 

وفاقی وزیرصحت عبدالقادر پٹیل  نے ویڈیو پیغام جاری کیا ہے جس میں انہوں نے کہا کہ  ملک بھر جاری  مہم میں 3 لاکھ 40  ہزار ورکرز حصہ لے رہے ہیں ، موجود حکومت نے پاکستان سے پولیو کے خاتمے کا پختہ عزم کر رکھا  ہے۔ 

وفاقی وزیر صحت  نے کہا کہ  پولیوکے خاتمے کیلئے ہنگامی بنیادوں پرجدوجہد جاری ہے، جلد ملک کواس بیماری سے پاک کریں گے۔

وفاقی وزیر صحت عبدالقادر پٹیل  کا کہنا ہے کہ   وائرس کے خاتمہ کے لئے تمام بچوں تک ویکسین کی رسائی لازمی ہے ، والدین سے اپیل  ہے کہ  اپنے بچوں کو عمر بھر کی معذوری سے بچانے کیلئے پولیو کے قطرے ضرور پلایں ،   پاکستان سے پولیو کے خاتمے کی جنگ کو ملکر ختم کرنا ہو گا۔  سول سوسائٹی، علماء کرام، میڈیا ،   پولیو کے خاتمے کیلئے موثر کردار ادا کر سکتے ہیں ۔ 

واضح رہے کہ ملک میں رواں سال پولیو کے 3 کیسز ر پورٹ ہوچکے ہیں۔