اسلام آباد : چینی کورونا ویکسین کینسائنو لگونے کیلئے عمر کی حد تبدیل

تفصیلات کے مطابق عمر کی حد میں تبدیلی کے بعد اب سنگل ڈوز چینی  ویکسین کنسائنو  70 سے 79  عمر کی حد تک کے لوگوں  کو  دی جاسکتی ہے۔ سنگل خوراک کورونا ویکسین وفاقی دارالحکومت اسلام آباد کے ترلئی سنٹر میں دی جاسکتی ہے۔اسلام آباد کے علاوہ  کینسائنوبائیو  ویکسین پورے پاکستان میں صرف 80 سال سے زیادہ عمر کے لوگوں کو دی جارہی ہے۔

حکومت پاکستان ریاستی سطح پرکورونا  وائرس کی دو ویکسین لگا رہی ہے۔  دونوں چینی ویکسین  جن میں ایک خوراک کینسائنو بائیو کی  اور دو   خوراکیں سائنو فارم کی دی جارہی ہیں ۔

قبل ازیں وزیر منصوبہ بندی اسد عمر نے کہا تھا کہ اب تک کی جانے والی ویکسینیشن  ایک ملین کو عبور کر چکی ہے اور ٹوئٹر پر  تصدیق کی کہ گذشتہ روز ستر ہزار  سے زیادہ ویکسین لگائی گئی ہے۔ انہوں نے کہا کہ اینٹی کوڈ ویکسینیشن کے لئے اب تک رجسٹرڈ افراد کی کل تعداد 20 لاکھ سے زیادہ ہے۔

انہوں نے اپیل کی کہ  پچاس سال سے زیادہ عمر کے لوگ ویکیسن لگوانے کیلئے اپنا  اندراج کروایں۔

اس سے قبل آج   ایک اور ٹویٹ میں وزیر نے بتایا کہ لاک ڈاؤن کی بڑھتی پابندیوں اور کورونا وائرس اسٹینڈرڈ آپریٹنگ پروسیجرز (ایس او پیز) کے نفاذ کی وجہ سے پاکستان میں کوویڈ 19 پوزیٹیویٹی ریٹ کم ہورہا ہے۔

پاکستان اس وقت کورونا وائرس کی تیسری لہر کا سامنا کر رہا ہے جو کہ پہلے کے مقابلے میں مہلک اور زیادہ  خطرناک  ہے۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید103 افراد چل بسے جس کے بعد اموات کی مجموعی تعداد 14 ہزار924ہوگئی ہےجبکہ  متاثرہ افراد کی مجموعی تعداد 6 لاکھ 96 ہزار 184 ہو گئی ہے ۔ ملک بھرمیں فعال کیسز کی تعداد63 ہزار 102ہے ۔

پنجاب

پنجاب میں کورونا مریضوں کی تعداد 2لاکھ33ہزار 348ہوگئی ۔ جبکہ صوبے میں اب تک 6 ہزار587افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 66ہزار 378ہو گئی جبکہ صوبے میں اب تک 4 ہزار 509 افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعداد91 ہزار  431ہوچکی ہے ۔ صوبے میں 2440افراد چل بسے۔

بلوچستان

بلوچستان میں کورونا وائرس کے اب تک 19 ہزار734کیسز رپورٹ ہوئے ہیں جبکہ صوبے میں 211 مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد60 ہزار 911جبکہ اموات کی تعداد579 تک جاپہنچی ۔

گلگت بلتستان

گلگت بلتستان میں اب تک 5 ہزار 052افراد کورونا کا شکار ہوئے ہیں جبکہ 103افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد 13 ہزار321ہوچکی ہے جبکہ364افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں 2198 افرادکوروناوائرس کوشکست دےچکے ہیں۔ ملک بھر میں اب تک 6لاکھ18ہزار158مریض کورونا کو شکست دے چکے ہیں ۔  این سی اوسی کے مطابق  ملک میں24گھنٹےمیں کوروناکے46ہزار665ٹیسٹ کیےگئے ہیں ۔  ملک کے 631ہسپتالوں  میں  کورونا کے 3901  مریض  زیرعلاج ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔