GNN on Google Play Store GNN on Apple App Store
جی این این سوشل

صحت

پانی کا کم استعمال جلد بڑھاپے اور دائمی امراض کا سبب بن سکتا ہے 

نیویارک: (ویب ڈیسک) اگر آپ مناسب مقدار میں پانی پینے سے گریز کرتے ہیں تو اس کے نتیجے میں قبل از وقت بڑھاپے، متعدد دائمی امراض اور جلد موت کا خطرہ بڑھ جاتا ہے۔
11 ماہ پہلے

پر شائع ہوا

کی طرف سے

پانی کا کم استعمال جلد بڑھاپے اور دائمی امراض کا سبب بن سکتا ہے 
جی این این میڈیا: نمائندہ تصویر

امریکا میں نیشنل انسٹیٹیوٹ آف ہیلتھ کی تحقیق میں 11 ہزار سے زیادہ بالغ افراد کا جائزہ 25 سال تک لیا گیا، تحقیق کے آغاز پر ان افراد کی عمر 46 سے 66 سال کے درمیان تھی اور ان کی صحت کا جائزہ 70 سے 90 سال کی عمر تک لیا گیا۔

محققین نے رضاکاروں کے خون میں سوڈیم (نمکیات) کی سطح کا جائزہ لیا کیونکہ اس سے پانی کی مناسب مقدار کے استعمال کا عندیہ ملتا ہے، اگر جسم میں سوڈیم کی مقدار زیادہ ہو تو اس کا مطلب یہ ہوتا ہے کہ وہ فرد زیادہ پانی نہیں پیتا۔

تحقیق میں دریافت ہوا کہ خون میں سوڈیم کی زیادہ مقدار سے قبل از وقت بڑھاپے کی جانب سفر تیز ہوجاتا ہے جس کے نتیجے میں ہائی بلڈ پریشر، کولیسٹرول اور بلڈ شوگر جیسے مسائل کا خطرہ بڑھتا ہے۔

اسی طرح کم پانی پینے والے افراد میں دائمی امراض جیسے فالج، امراض قلب، پھیپھڑوں کے امراض، ذیابیطس اور ڈیمینشیا کا خطرہ 64 فیصد تک بڑھ جاتا ہے۔

تحقیق میں یہ بھی دریافت کیا گیا کہ پانی کم پینے کی عادت سے قبل از وقت موت کا خطرہ بھی 20 فیصد تک بڑھ جاتا ہے۔

محققین نے بتایا کہ عمر بڑھنے کے ساتھ دائمی امراض سے متاثر ہونے کا خطرہ بڑھتا ہے مگر پانی کی ناکافی مقدار پینے سے ان امراض اور دیگر خطرات کا سامنا درمیانی عمر میں ہی ہوسکتا ہے۔

انہوں نے کہا کہ جس طرح جسمانی سرگرمیاں اور اچھی غذا کو صحت مند طرز زندگی کا حصہ تصور کیا جاتا ہے، اسی طرح مناسب مقدار میں پانی پینے کی عادت سے بھی جسمانی عمر میں اضافے کے عمل کو سست کرنا ممکن ہے اور صحت پر مثبت اثرات مرتب ہوسکتے ہیں۔

انہوں نے کہا کہ اس حوالے سے مزید تحقیق کی ضرورت ہے تاکہ تصدیق ہوسکے کہ زیادہ پانی پینا بڑھاپے کی جانب سفر سست کرسکتا ہے یا نہیں ،  ان کا کہنا تھا کہ مناسب مقدار میں پانی پینا کسی نقصان کا باعث نہیں۔

اس تحقیق کے نتائج جرنل ای بائیو میڈیسین میں شائع ہوئے۔

پڑھنا جاری رکھیں

دنیا

اقوام متحدہ کے سربراہ کا آرمینیا-آذربائیجان معاہدے کا خیرمقدم

دوطرفہ تعلقات کو معمول پر لانے کے اپنے عزم کا اعادہ کیا گیا ہے
9 گھنٹے پہلے

پر شائع ہوا

ویب ڈیسک

کی طرف سے

اقوام متحدہ کے سربراہ کا آرمینیا-آذربائیجان معاہدے کا خیرمقدم

اقوام متحدہ: اقوام متحدہ کے سیکرٹری جنرل انتونیو گوتریس نے آرمینیا اور آذربائیجان کے درمیان تعلقات کو بہتر بنانے کے معاہدے کا خیر مقدم کیا ہے۔

چینی خبررساں ادارے کے مطابق اقوام متحدہ کے سیکرٹری جنرل کے ترجمان سٹیفن دوجارک نے میڈیا کوبتایا کہ سیکرٹری جنرل آرمینیا اور آذربائیجان کی طرف سے جاری کردہ مشترکہ بیان کا خیرمقدم کرتے ہیں جس میں اعتماد سازی کے کئی اقدامات کا اعلان کیا گیا ہے اور دوطرفہ تعلقات کو معمول پر لانے کے اپنے عزم کا اعادہ کیا گیا ہے۔

انہوں نے کہا کہ اقوام متحدہ فریقین کی حوصلہ افزائی کرتا ہے کہ وہ باہمی اعتماد کو آگے بڑھانے اور طویل مدتی امن کو اپنی آبادیوں اور خطے کے فائدے کے لیے اس معاہدے پر قائم کریں۔دریں اثنا آرمینیا اور آذربائیجان نے ایک مشترکہ بیان میں کہا ہے کہ ہ وہ جنگی قیدیوں کی رہائی کے ذریعے اعتماد سازی کے اقدامات کرنے کے حوالے سے ایک معاہدے پر پہنچ گئے ہیں جس کے بعد ان کی پہلی براہ راست بات چیت کے بعد کوئی ثالث شامل نہیں ہے۔

واضح رہے کہ آرمینیا اور آذربائیجان متنازعہ علاقے ناگورنو کاراباخ پر 1988 سے تنازعات کا شکار ہیں۔

پڑھنا جاری رکھیں

پاکستان

عام انتخابات ملتوی کرنے کی درخواستوں پر مشاورت

میڈیا ذرائع کے مطابق الیکشن کمیشن فروری میں عام انتخابات کروانے کیلئے تیا ر ہے
6 گھنٹے پہلے

پر شائع ہوا

ویب ڈیسک

کی طرف سے

عام انتخابات ملتوی کرنے کی درخواستوں پر مشاورت

الیکشن کمیشن آف پاکستان میں عام انتخابات ملتوی کرنے کی درخواستوں پر مشاورت  ہوئی ۔

الیکشن کمیشن کے ذرائع کے مطابق درخواستوں میں انتخابات ملتوی کرنے کی کوئی ٹھوس وجوہات پیش نہیں کی گئیں ہیں ۔

میڈیا ذرائع کے مطابق الیکشن کمیشن فروری میں عام انتخابات کروانے کیلئے تیا ر ہے ۔

ذرائع الیکشن کمیشن کے مطابق اس وقت ملک میں سیکیورٹی کی صورت حال بھی بہتری کی جانب جا رہی ہے ۔

پڑھنا جاری رکھیں

پاکستان

کرپشن کو اجتماعی کوششوں سے شکست دیں گے ،چیئرمین نیب

قومی احتساب بیورو کے چیئرمین نذیر احمد نے کہا ہے کہ نیب اس بات کو یقینی بنائے گاکہ ہر قسم کی کرپشن  کا احتساب کیا جائے
2 گھنٹے پہلے

پر شائع ہوا

ویب ڈیسک

کی طرف سے

کرپشن کو اجتماعی کوششوں سے شکست دیں گے ،چیئرمین نیب

قومی احتساب بیورو کے چیئرمین نذیر احمد نے کہا ہے کہ نیب اس بات کو یقینی بنائے گاکہ ہر قسم کی کرپشن  کا احتساب کیا جائے۔

آج اسلام آباد میں انسداد کرپشن ( بدعنوانی ) کے عالمی دن کے حوالے سے ایک تقریب سے خطاب کرتے ہوئے انہوں نے کہا کہ ایک ادارہ بدعنوانی کا خاتمہ نہیں کرسکتا اور اس ناسور کو تمام شراکت داروں کی اجتماعی کوششوں سے ہی شکست دی جاسکتی ہے۔

انہوں نے کہا کہ معیشت کو دستاویزی شکل دینا یقینی طور پر ملک کے لئے مدد گار ثابت ہوگا اور بدعنوانی میں خاطر خواہ حد تک کمی آئیگی۔

پڑھنا جاری رکھیں

ٹرینڈنگ

Take a poll