ملک بھر میں 24 گھنٹوں کے دوران کورونا وائرس کے نئے 10کیس رپورٹ ہوئے،قومی ادارہ صحت

اسلام آباد: قومی ادارہ صحت (این آئی ایچ) نے کہا ہے کہ ملک بھر میں گزشتہ 24 گھنٹوں کے دوران کورونا وائرس کے 10 نئے کیس رپورٹ ہوئے اور7مریضوں کی حالت تشویش ناک ہے۔

ہفتہ کو این آئی ایچ کی جانب سے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار 866 ٹیسٹ کیے گئے جن میں سے10 افراد کے ٹیسٹ مثبت آئے اس طرح مثبت کیسز کی شرح 0.35 فیصد رہی اور اس دوران کورونا وائرس سے کوئی مریض جاں بحق نہیں ہوا جبکہ 7 مریضوں کی حالت تشویشناک ہے۔

گزشتہ24 گھنٹوں کے دوران لاہور میں کئے گئے 304 ٹیسٹوں میں سے ایک فرد کا ٹیسٹ مثبت آیا اور وہاں پر مثبت کیسز کی شرح 1.33 فیصد رہی، اسی طرح اسلام آباد میں 175 ٹیسٹ کئے گئے جن میں سے 2 افراد کے ٹیسٹ مثبت آئے اور وہاں پر شرح 1.14 فیصد رہی جبکہ گلگت میں 341 ٹیسٹوں میں سے ایک ٹیسٹ مثبت آیا اور وہاں پر مثبت کیسوں کی شرح 0.29 فیصد رہی ہے۔