ڈینگی کےوار برقرار،گزشتہ24 گھنٹوں میں 153 نئے مریضوں میں ڈینگی کی تصدیق

سیکرٹری ہیلتھ علی جان خان نے کہنا ہے کہ گز شتہ 24 گھنٹے کے دوران صوبے بھر میں 153 نئے مریضوں میں ڈینگی کی تصدیق ہوئی،رواں سال پنجاب کے 36 اضلاع میں ڈینگی کے 13ہزار تین سو 66 کنفرم مریض رپورٹ ہوئے۔

رواں سال لاہور میں ڈینگی کے6 ہزار کنفرم مریض رپورٹ ہوئے،لاہور میں گزشتہ روز 74 نئے مریض سامنے آئے،رواں سال روالپنڈی میں ڈینگی کے کل 2 ہزار 593 مریض رپورٹ ہوئے،راولپنڈی میں گزشتہ روز 4 نئے مریضوں میں ڈینگی کی تصدیق ہوئی، گوجرانوالہ میں ڈینگی کے کل 1 ہزار 375 مریض رپورٹ ہوئے،گوجرانوالہ میں گزشتہ روز 22 نئے ڈینگی مریضوں کی تصدیق ہوئی، ملتان میں ڈینگی کے کل 1 ہزار 301 مریض رپورٹ ہوئے،ملتان میں گزشتہ روز 16 نئے ڈینگی مریضوں کی تصدیق ہوئی.

علی جان خان کا کہنا ہے کہ رواں سال فیصل آباد میں ڈینگی کے کل 752 مریض رپورٹ ہوئے،فیصل آباد میں گزشتہ روز 18 نئے ڈینگی مریضوں کی تصدیق ہوئی.گزشتہ 24 گھنٹے کے دوران شیخوپورہ میں ڈینگی کے سات نئے مریض سامنے آئے،

گزشتہ 24 گھنٹے کے دوران نارووال، اوکاڑہ اور وہاڑی میں ڈینگی کے دو دو نئے مریض سامنے آئے،قصور، اوکاڑہ، سرگودھا، مظفرگڑھ، سیالکوٹ اور خانیوال میں ڈینگی کا ایک ایک نیا مریض سامنے آیا۔ پنجاب بھر کے ہسپتالوں میں اس وقت ڈینگی کے کل 134 مریض زیر علاج ہیں۔

علی جان خان کا مزید کہنا ہے کہ ضلع لاہور کے ہسپتالوں میں اس وقت ڈینگی کے کل 88 مریض زیر علاج ہیں۔ڈینگی سے بچنے کے لئے شہری اپنے ماحول کو صاف اور خشک رکھیں۔ڈینگی کی روک تھام کے لئے شہری محکمہ صحت کی ٹیموں سے تعاون کریں۔ڈینگی بخار کے علاج ، معلومات یا شکایات کے لئے محکمہ صحت کی فری ہیلپ لائن 1033 پر رابطہ کریں۔