چیف الیکشن کمیشن کے نام سے جعلی واٹس ایپ کالز اور پیغامات ، الیکشن کمیشن نے خبردار کر دیا

چیف الیکشن کمیشن کے نام سے جعلی واٹس ایپ کالز اور پیغامات سے متعلق الیکشن کمیشن نے اعلامیہ جاری کر دیا۔

الیکشن کمیشن نے تمام ریٹرننگ افسران (آر اوز) اور ڈسٹرکٹ ریٹرننگ افسران ( ڈی آر اوز) کو خبردار کیا ہے کہ وہ چیف الیکشن کمشنر کے نام سے موصول ہونے والی جعلی وٹس ایپ کالز اور پیغامات سے ہوشیار رہیں ۔

#ECP pic.twitter.com/8hsefRUDrG

— Election Commission of Pakistan (OFFICIAL)?? (@ECP_Pakistan) January 25, 2024

الیکشن کمیشن کی جانب سے جاری اعلامیے میں کہا گیا ہے کہ جعلی کالز اور پیغامات کی تصدیق کے لئے چیف الیکشن کمشنر کے سٹاف افسر سے لینڈ لائن پر رابطہ کیا جائے، ممبران الیکشن کمیشن یا کسی سینئر افسر کی ٹیلی فون کال یا میسج ملے تو اس کی بھی تصدیق کی جائے۔

ترجمان الیکشن کمیشن نے ہدایت کی ہے کہ الیکشن کمیشن کا عملہ، ڈی آر او اور آر او بغیر تصدیق کسی کال یا میسج پر عمل نہ کریں۔