امریکہ جانے والوں کیلئے بڑی خوشخبر ی

غیر ملکی میڈیا رپورٹ کے مطابق امریکا نے ایچ ون بی فارن ورک ویزا کی تجدید کیلئے ایک پائلٹ پروگرام کا آغاز کردیا، جس سے ہزاروں بھارتی اور چینی ٹیک پروفیشنلز کو فائدہ پہنچنے کا امکان ہے۔

رپورٹ کے مطابق 29 جنوری کو شروع ہونے والا پائلٹ تجدید پروگرام یکم اپریل تک جاری رہے گا، اس کے تحت ایچ ون بی ویزا ہولڈرز جنہیں اپنے ویزے کی تجدید کی ضرورت ہے، وہ عارضی طور پر بیرون ملک سفر سے قبل امریکا میں اپنے ویزے کی تجدید کرسکتے ہیں۔

تقریباً دو دہائیوں میں یہ پہلا موقع ہے کہ محدود تعداد میں ایچ ون بی غیر تارکین وطن امریکا کے اندر سے اپنے ویزوں کی تجدید کرسکیں گے۔

اسٹیٹ ڈپارٹمنٹ نے اپنے ایک بیان میں کہا کہ پائلٹ پروگرام 29 جنوری 2024 سے یکم اپریل 2024 تک درخواستیں قبول کرے گا۔