پشاور کے ماحولیاتی نمونوں میں پولیو وائرس کی تصدیق

پشاور کے مختلف علاقوں کے ماحولیاتی نمونوں میں پولیو وائرس کی تصدیق ہوئی ہے۔

محکمہ صحت کے مطابق پولیو وائرس نرخور، شاہین ٹاؤن اور تاج آباد میں موجود ہے۔ وائرس کی موجودگی کی وجہ مختلف علاقوں سے لوگوں کی پشاور آمد ہے۔ چترال، اپر دیر اور لوئر دیر میں پانچ روزہ انسداد پولیو مہم کا آغاز کر دیا گیا ہے جس میں تین لاکھ سے زائد بچوں کو پولیو سے بچاؤ کے قطرے پلائے جائیں گے۔

واضح رہے کہ رواں سال خیبرپختونخوا میں پولیو کا کوئی کیس سامنے نہیں آیا۔ تاہم گزشتہ سال صوبے میں چار کیسز رپورٹ ہوئے تھے۔

خیبرپختونخوا کے وزیر صحت قاسم علی شاہ نے کہا کہ پانچ روزہ انسداد پولیو مہم میں تین لاکھ سے زائد بچوں کو پولیو سے بچاؤ کے قطرے پلائے جائیں گے،جو والدین اپنے بچوں کو انسداد پولیو کے قطرے نہیں پلائیں گے ان کے قومی شناختی کارڈ بلاک کر دیے جائیں گے۔۔