رونالڈو کی فیفا ورلڈ کپ 2034 کی میزبانی کے لئے سعودی عرب کی حمایت

پرتگال کے شہرہ آفاق فٹ بال سٹار اور سعودی کلب النصر کے معروف کھلاڑی کرسٹیانو رونالڈو نے سعودی عرب میں فیفا 2034 کی میزبانی کی حمایت کردی۔

بین الاقوامی شہرت یافتہ فٹ بالر کرسٹیانورونالڈو نے اپنے آفیشل ایکس اکاونٹ پر ایک وڈیو پوسٹ کی جس میں فیفا ورلڈ کپ کی میزبانی کےلیے سعودی عرب کی مہم کی حمایت کی اور کہا کہ  مجھے ایسی قوم کے خوابوں کو سپورٹ کرنے پر فخر ہے جو فٹبال ورلڈ کپ 2034 سعودی عرب میں لانے کی امید رکھتی ہے۔

Proud to support the dreams of a nation hoping to bring a FIFA World Cup to Saudi in 2034 ??

We’re all #GrowingTogether!#Saudi2034Bid pic.twitter.com/qiuZjZwVhQ

— Cristiano Ronaldo (@Cristiano) April 1, 2024

یاد رہے کہ سعودی عرب نے فیفا ورلڈ کپ 2034 کی میزبانی کے ارادے کا اظہار کیا ہے۔ سعودی عرب نے 2018 سے سپورٹس کے فروغ پرخصوصی توجہ دی ہے۔ اب تک 50 سے زائد انٹرنیشنل ایونٹس کی میزبانی کے فرائض بھی انجام دیئے ہیں۔

ان اسپورٹس میں فٹبال، گالف، ڈیجیٹل سپورٹس، ٹینس، گھڑ سواری و دیگر سپورٹس ایونٹ شامل ہیںجن کی عالمی سطح پرسعودی عرب میزبانی کر چکا ہے۔

واضح رہے سعودی عرب نے 2023 میں کلبز ورلڈ کپ کی بھی میزبانی کی ہے جبکہ سال 2027 میں ایشین کپ کے فائنلز کی بھی میزبانی کرے گا۔