معیشت میں بہتری ، تعمیراتی پالیسی کی کامیابی کے اثرات مختلف شعبوں میں دکھائی دے رہے ہیں : وزیراعظم

تفصیلات کے مطابق  سماجی رابطے  کی  ویب سائٹ ٹوئٹر پر پیغام میں وزیراعظم عمران خان نے  کہا کہ ترقی کیجانب رخ موڑتی معیشت اورہماری تعمیراتی پالیسی کی کامیابی کےنتائج مختلف شعبوں سےبرآمد ہورہےہیں۔پاکستان بدل رہاہے۔ انہوں نے کہاکہ دیوالیہ پن کےکنارےپر کھڑا سی ڈی اے جسے2017 میں 5.8 ارب کےخسارےکاسامناتھا،  رواں مالی سال 73 ارب کاسرپلس سمیٹےگاجبکہ سی ڈی اے کے پاس 26  ارب پہلےسےکھاتوں میں موجودہیں۔

ایک اور ٹویٹ میں وزیراعظم نے کہاکہ  مالی استحکام  حاصل کرنے  کے بعد اصلاح و تنظیمِ نو کوترجیح کامزکز  بناتے ہوئے اب پوری رفتار سے اسلام آباد کو ایک مثالی شہر کی صورت میں ڈھالنے کا وقت ہے۔ انہوں نے کہاکہ دوسرے  بڑے شہر بھی قوی عزم، شفافیت اور جدت  کے سہارے خوددار و خود کفیل معاشی نمو کا اہتمام کر سکتے ہیں۔

مالی استحکام کے حصول کے بعد اصلاح و تنظیمِ نو کو مرکزِ ترجیح بناتے ہوئے اب پوری رفتار سے اسلام آباد کو ایک مثالی شہر کی صورت میں ڈھالنے کا وقت ہے۔ دیگر بڑے شہر بھی قوی عزم، شفافیت اور جدت و ایجاد کے سہارے خوددار و خود کفیل معاشی نمو کا اہتمام کر سکتے ہیں۔
pic.twitter.com/WtEBqrHsgA

— Imran Khan (@ImranKhanPTI) June 4, 2021

وزیراعظم عمران خان نے کیپیٹل ڈیویلپمنٹ اتھارٹی ( سی ڈی اے)  کی کارکردگی کی تعریف بھی کی۔