گوادر: جیونی کے ماہی گیروں پر ایک بار پھر قسمت مہربان ہوگئی

تفصیلات کے مطابق   ضلع گوادر کے ساحلی علاقے جیونی کے ماہگیروں پر ایک بار پھر قسمت مہربان ہوگئی ہے، تحصیل جیونی کے غریب ماہی گیر کے جال میں 26 کلو وزنی قیمتی سوا مچھلی پھنس گئی،  سوا مچھلی جیونی کی منڈی میں نیلام کردی گئی۔ منڈی میں سوا مچھلی 6 لاکھ 76 ہزار روپے میں نیلام  کی گئی ہے۔

رواں ہفتے میں جیونی کے سمندر سے پکڑی جانی والی یہ تیسری قیمتی  مچھلی ہے،   اس سے قبل بھی ماہگیر ایک مچھلی 86 لاکھ اور دوسری مچھلی 8 لاکھ روپے میں فروخت کرچکے ہیں۔

خیال رہے کہ بلوچستان کے ساحل پر نایاب مچھلیاں بڑی تعداد میں پائی جاتی ہیں، اور مقامی ماہی گیر اکثر ایسی نایاب مچھلیوں کا شکار کرتے رہتے ہیں، جن کی انٹرنیشنل مارکیٹ میں بہت زیادہ قیمت ہوتی ہے۔

سوّا مچھلی کو انگریزی میں کروکر (Croaker)  کہا جاتا ہے، مقامی مچھیروں کو کہنا ہے کہ سوا مچھلی کے شکار کے صرف دو مہینے ہوتے ہیں اس لیے اس کو پکڑنے کیلئے ماہی گیروں کو بہت محنت کرنا پڑتی ہے۔