جاپانی سائنسدانوں نے دانتوں کے دوبارہ اگنے کی دوا بنا ڈالی

جاپان کے سائنسدانوں نے دانتوں کے دوبارہ اگنے والی دوا  بنا  لی ۔ 

تفصیلات کے مطابق جاپان کے شہر اوساکا کی ایک یونیورسٹی میں دانتوں پر کافی عرصے سے جاری ایک ریسرچ کافی حوصلہ افزاء ثابت ہوئی۔ 
کیٹانو ہسپتال جاپان کے ریسرچ سینٹر میں ریسرچرز نےایک ایسی دوا بنا لی، جو جانداروں میں دانتوں کے دوبارہ اگنے میں معاون ثابت ہوتی ہے۔ 
ریسرچ ٹیم کے ہیڈ کاٹسو تخاشی کے مطابق انسانی جسم میں موجود یو ایس اے جی)01(  نامی ایک پروٹین دانتوں کی ہڈی کی مزید بڑھوتری کو روکنےمیں اپنا کردار ادا کرتی ہے۔ حالیہ بنائی گئی دوائی میں یہ خاصیت ہے کہ یہ جسم میں یو ایس اے جی)01( پروٹین کے عمل کو روک دیتی ہے۔ نتیجتا، دانتوں کی بڑھوتری کا عمل دوبارہ سے شروع ہو جاتا ہے۔ 
سائنسی طریقہ کار کے مطابق پہلی فیز میں اس دوائی کا پہلا تجربہ چوہوں اور نیولے پر کیاگیا۔ تجربے کے دوران نہ صرف دانتوں کی بڑھوتری مشاہدے میں آئی بلکہ دوائی کے کسی بھی قسم کے کوئی مضر اثرات بھی رپورٹ نہ ہوئے۔ 
دوسری فیز میں دوائی کے تجربات انسانوں پر کیے جائیں گے،  جو رواں سال ستمبر سے شروع ہوں گے اور 2025کے اگست تک جاری رہیں گے۔ 
ذرائع کے مطابق پہلے پہل دوائی کے ٹیکے 30 سال سے زائد عمر کے رضاکاروں پر آزمائے جائیں گے۔ کامیابی کی صورت میں بعد ازاں اس دوائی کا تجربہ دو سے سات سال کی عمر کے بچوں پر کیا جائے گا۔ 
انسانی جسموں پر دانتوں کی بڑھوتری کی اس دوائی کے تجربات کیوٹو ریسرچ ہسپتال جاپان میں کیے جائیں گے۔ 
جاپانی ریسرچرز نے امیدظاہر کی ہے کہ کامیابی کی صورت میں مذکورہ دوائی 2030 تک عام لوگوں کے استعمال کے لیے مارکیٹ میں موجود ہو گی۔ یہ دوائی مصنوعی طور پر دانتوں کے لگانے کے عمل کا بہترین نعم البدل ثابت ہو گی۔